കെവിൻ വധക്കേസിൽ സസ്പെൻഷനിലായ എസ്ഐയെ തിരിച്ചെടുത്തു

കോട്ടയം: കെവിൻ വധക്കേസിൽ സസ്പെൻഷനിലായ എസ്ഐ ഷിബുവിനെ സർവ്വീസിൽ തിരിച്ചെടുത്തു. കെവിൻ കൊല്ലപ്പെട്ടപ്പോൾ ഗാന്ധിനഗർ എസ്ഐ ആയിരുന്നു ഷിബു. ഐദ്യോഗിക കൃത്യവിലോപത്തെത്തുടർന്ന് സർവ്വീസിൽനിന്നും പിരിച്ചുവിടാൻ ഷിബുവിന് നോട്ടീസ് നൽകിയിരുന്നു. ഷിബു നൽകിയ വിശദീകരണത്തെത്തുടർന്നാണ് ഇയാളെ തിരിച്ചെടുക്കാൻ കൊച്ചി റെയ്ഞ്ച് ഐജി തീരുമാനിച്ചത്.

ഷിബുവിന്റെ നിയമനത്തിനെതിരെ കോട്ടയം എസ്പി രംഗത്തെത്തി. ഷിബുവിനെ കോട്ടയത്ത് നിയമിക്കരുതെന്ന് എസ്പി ആവശ്യപ്പെട്ടു. മറ്റേതെങ്കിലും ജില്ലയിൽ നിയമിക്കണമെന്നാണ് ആവശ്യം.

കെവിനെ തട്ടിക്കൊണ്ടുപോയ സംഭവം എസ്ഐ ഷിബുവിന്റെ അറിവോടെയാണെന്ന് ആരോപണം ഉണ്ടായിരുന്നു. തട്ടിക്കൊണ്ടുപോകുംവഴി കേസിലെ മുഖ്യപ്രതിയായ ഷാനു ചാക്കോയും എസ്ഐ ഷിബുവും തമ്മിൽ സംസാരിച്ചിരുന്നതായി കെവിനോടൊപ്പം തട്ടിക്കൊണ്ടുപോകപ്പെട്ട അനീഷ് വെളിപ്പെടുത്തിയിരുന്നു. എസ്ഐ ഷിബു ഷാനുവിനെ വിളിച്ചിരുന്നതായും എസ്ഐക്ക് 10,000 രൂപ നൽകിയിട്ടുണ്ടെന്ന് ഷാനു പറഞ്ഞതായും അനീഷ് വെളിപ്പെടുത്തിയിരുന്നു.

കൂടാതെ ഗാന്ധിനഗർ സ്റ്റേഷനിവെച്ച് കെവിനെ എസ്ഐ ഷിബു കഴുത്തുൽപിടിച്ച് തള്ളിയതായി നീനു മൊഴി നൽകിയിരുന്നു. പിതാവ് ചാക്കോയോടൊപ്പം പോകാന്‍ ഷിബു നിര്‍ബന്ധിച്ചു. താന്‍ വിസമ്മതിച്ചപ്പോള്‍ സ്വന്തം ഇഷ്ടപ്രകാരം പോകുന്നതായി എഴുതി വാങ്ങിച്ചെന്നും നീനു കോടതിയില്‍ മൊഴി നല്‍കിയിരുന്നു.

error: Content is protected !!