പെണ്‍കുട്ടിക്ക് മിഠായി കൊടുത്തു: താഴ്ന്ന ജാതിക്കാരനായ 13 കാരനെ മര്‍ദ്ദിച്ച് നഗ്നനാക്കി നടത്തിച്ചു
ഉന്നത ജാതിക്കാരിയായ പെണ്‍കുട്ടിക്ക് മിഠായി കൊടുത്തതിന് താഴ്ന്ന ജാതിക്കാരനായ പതിമൂന്നുകാരനെ മര്‍ദ്ദിച്ച് നഗ്നനാക്കി നടത്തിച്ചു. മഹാരാഷ്ട്രയിലെ കോലാപുരിനടുത്താണ് സംഭവം.
ആണ്‍കുട്ടി കയ്യില്‍പിടിച്ചെന്നും മിഠായി തന്നുവെന്നും പെണ്‍കുട്ടി മാതാപിതാക്കളോട് പറയുകയും തുടര്‍ന്ന് രണ്ട് കുടുംബങ്ങളും തമ്മില്‍ സംഘര്‍ഷം ഉണ്ടാവുകയും ചെയ്തു. പെണ്‍കുട്ടിയെ പിന്നീട് ഏതോ ബന്ധുവിന്‍റെ വീട്ടിലേക്ക് അയച്ചു. ബന്ധും സുഹൃത്തും ചേര്‍ന്ന് ആണ്‍കുട്ടിയെ പിടികൂടുകയും മര്‍ദിക്കുകയും ആയിരുന്നു. അതിനുശേഷം ആണ്‍കുട്ടിയെ നഗ്നനാക്കി വീട്ടില്‍നിന്ന് ഗ്രാമപ്പഞ്ചായത്ത് ഓഫീസ് വരെ നടത്തിക്കുകയുമായിരുന്നു. സംഭവത്തില്‍ പെണ്‍കുട്ടിയുടെ ബന്ധുക്കളില്‍ രണ്ടുപേരെ പൊലീസ് അറസ്റ്റ് ചെയ്തു. ആണ്‍കുട്ടിയെ പിന്നീട് ആശുപത്രിയില്‍ പ്രവേശിപ്പിച്ചു.
