നിപ്പ വൈറസ് ; വ്യാജ സന്ദേശം പ്രചരിപ്പിച്ചയാള്‍ കണ്ണൂരില്‍ അറസ്റ്റില്‍
നവ മാധ്യമങ്ങളിലൂടെ ജനങ്ങള്‍ക്ക് ഭീതിപരത്തുന്ന രീതിയില്‍ നിപ്പയെ കുറിച്ച് പ്രചാരണം നടത്തിയ സംഭവത്തില്‍ മൂവാറ്റുപുഴ സ്വദേശിയെ കണ്ണൂര്‍ ടൗണ്‍ പോലീസ് അറസ്റ്റ് ചെയ്തു. മൂവാറ്റുപുഴ സ്വദേശി പി.എം. സുനില്‍കുമാര്‍ (41) നെയാണ് കണ്ണൂര്‍ ടൗണ്‍ എസ്‌ഐ ശ്രീജിത്ത് കൊടേരി അറസ്റ്റ് ചെയ്തത്.
നിപ്പാവൈറസ് പകരുന്നത് ബ്രോയിലര്‍ കോഴിയിലൂടെയാണെന്നാണ് ഇയാള്‍ നവമാധ്യമങ്ങളിലൂടെ പ്രചരിപ്പിച്ചത്. നിരവധി വാട്‌സ്അപ്പ് ഗ്രൂപ്പുകളിലും ഫേസ്ബുക്ക് കൂട്ടായ്മയിലും തെറ്റായ വിവരങ്ങള്‍ നിരന്തരം പ്രചരിപ്പിച്ചതിനാണ് ഇയാളെ അറസ്റ്റ് ചെയ്തത്.വ്യാജ പ്രചാരണങ്ങള്‍ക്കെതിരേ ശക്തമായ നടപടി സ്വീകരിക്കുമെന്ന് സംസ്ഥാന ആരോഗ്യവകുപ്പ് മുന്നറിയിപ്പ് നല്‍കി.
നിപ്പാ വൈറസ് ബാധയുമായി ബന്ധപ്പെട്ട് വ്യാജവാർത്ത പ്രചരിപ്പിച്ച കേസില്‍ കോഴിക്കോടും ഒരാള്‍ അറസ്റ്റില്‍.
നല്ലൂർ സ്വദേശി വൈഷ്ണവാണ് പിടിയിലായത്.ഫറോഖ് പോലീസാണ് ഇയാളെ പിടികൂടിയത്.
