ഐഎസില്‍ ചേര്‍ന്ന നാല് മലയാളികള്‍ കൂടി കൊല്ലപ്പെട്ടു
കേരളത്തിൽ നിന്ന് ഐഎസ്സിൽ ചേർന്ന കാസർകോട് സ്വദേശികൾ മരിച്ചു . കാസർകോട് പടന്ന, തൃക്കരിപ്പൂർ സ്വദേശികളാണ് മരിച്ചത് . പടന്ന സ്വദേശികളായ ഷിഹാസും അജ്മലയും ഇവരുടെ കുഞ്ഞും മരിച്ചു. തൃക്കരിപ്പൂർ സ്വദേശി മുഹമ്മദ് മൻസാദ് എന്നയാളും കൊല്ലപ്പെട്ടു . അഫ്ഗാനിസ്ഥാനില്‍ അമേരിക്കന്‍ സേന നടത്തിയ ബോംബാക്രമണത്തിലാണ് ഇവര്‍ കൊല്ലപ്പെട്ടത്. ഇവരുടെ മരണവുമായി ബന്ധപ്പെട്ട വിവരം എന്‍ഐഎ സ്ഥിരീകരിച്ചു.
അതേസമയം കാസർഗോഡ് നിന്നും ഐഎസിൽ ചേരാൻ പോയവരെ കുറിച്ചുള്ള എൻഐഎ അന്വേഷണം പുരോഗമിക്കുകയാണ്. ഇതു സംബന്ധിച്ച് കേന്ദ്ര ഏജന്‍സികളില്‍ നിന്ന് വിവരം ലഭിച്ചതായി ഡിജിപി ലോക്‌നാഥ് ബെഹ്‌റ അറിയിച്ചു. ഐഎസില്‍ ചേര്‍ന്ന മറ്റൊരു തൃക്കരിപ്പൂര്‍ സ്വദേശി കഴിഞ്ഞ വര്‍ഷം കൊല്ലപ്പെട്ടിരുന്നു. തൃക്കരിപ്പൂര്‍ ഇളമ്പച്ചി സ്വദേശി മര്‍വാന്‍ ആണ് അന്ന് കൊല്ലപ്പെട്ടത്.
