യേശു ദേവന്‍റെ പീഡാനുഭവ സ്മരണയില്‍ ഇന്ന് ദുഃഖവെള്ളി
യേശുവിന്റെ പീഡാനുഭവവും കുരിശുമരണവും അനുസ്മരിച്ച് ഇന്ന് ദുഃഖവെള്ളി. ക്രൈസ്തവ ദേവാലയങ്ങളില്‍ പീഡാനുഭവ ശുശ്രൂഷകളും പ്രത്യേക പ്രാര്‍ഥനകളും നടന്നു. കുരിശുമരണത്തിന്റെ സ്മരണകള്‍ പുതുക്കി കുരിശിന്റെ വഴി, പ്രദക്ഷിണം, പ്രത്യേക തിരുക്കര്‍മങ്ങള്‍ എന്നിവ ഇന്ന് ദേവാലയങ്ങളില്‍ ഉണ്ടായി. രാവിലെ മുതല്‍ വൈകുന്നേരംവരെ നീളുന്നതാണ് പ്രാര്‍ഥനചടങ്ങുകള്‍.
ഗാഗുല്‍ത്താമലയിലേക്ക് കുരിശുമായി പീഡനങ്ങള്‍ സഹിച്ച് യേശു നടത്തിയ യാത്രയുടെയും ഇതിനുശേഷമുള്ള കുരിശുമരണത്തിന്റെയും ഓര്‍മകളാണ് ദുഃഖവെള്ളിയില്‍ നിറയുന്നത്. മലയാറ്റൂര്‍ അടക്കം പ്രധാന കുരിശുമലകളില്‍ വിശ്വാസികള്‍ കുരിശുമല കയറ്റം നടത്തിവരികയാണ്. പ്രധാന നഗരങ്ങളില്‍ വിവിധ ദേവാലയങ്ങളുടെ നേതൃത്വത്തില്‍ സംയുക്ത കുരിശിന്റെ വഴിയും നടന്നു
