ഹരിയാനയിലെ സ്വതന്ത്ര എംഎൽഎയും ഐഎൻഎൽഡി നേതാക്കളും കോൺഗ്രസിൽ
ന്യൂഡൽഹി: ഹരിയാനയിൽ നിന്നുള്ള സ്വതന്ത്ര എംഎൽഎ ജയ് പ്രകാശും മുതിർന്ന ഐഎൻഎൽഡി ( ഇന്ത്യൻ നാഷണൽ ലോക്ദൾ) നേതാക്കളും കോൺഗ്രസിൽ ചേർന്നു. അശോക് അറോറ, സുഭാഷ് ഗോയൽ, പ്രദീപ് ചൗധരി, ജഗൻജിത് സാധു എന്നിവരുൾപ്പെടെയുള്ള ഐഎൻഎൽഡി നേതാക്കളാണ് കോൺഗ്രസിൽ ചേർന്നത്.
എഐസിസി ജനറൽ സെക്രട്ടറി ഗുലാം നബി ആസാദിന്‍റെ സാന്നിധ്യത്തിലായിരുന്നു ചടങ്ങ്. അതിനിടെ ഹരിയാനയിലും പൗരത്വ രജിസ്റ്റർ നടപ്പാക്കുമെന്ന ഹരിയാന മുഖ്യമന്ത്രി മനോഹർ ലാൽ ഖട്ടറിന്‍റെ പ്രസ്താവനയെ കോൺഗ്രസ് നേതാക്കൾ പരിഹസിച്ചു.
വിദേശികൾ ഇന്ത്യ വിട്ടു പോകണമെന്നും സ്ഥിരതാമസം പാടിലെന്നുമുള്ള നിയമം അംഗീകരിക്കുന്നു. പക്ഷേ അങ്ങനെയുള്ള കണ്ടെത്തണമെന്നും അതിന്‍റെ ചുമതല സർക്കാരിനാണെന്നും കോൺഗ്രസ് നേതാക്കൾ ചൂണ്ടിക്കാട്ടി.
