സാമ്പത്തിക പ്രതിസന്ധി; രാജ്യവ്യാപക പ്രക്ഷോഭത്തിനൊരുങ്ങി കോണ്ഗ്രസ്
ന്യൂഡല്ഹി: രാജ്യം സാന്പത്തിക പ്രതിസന്ധി നേരിടുന്നതിനിടെ കേന്ദ്രത്തിനെതിരെ കോൺഗ്രസ് പ്രക്ഷോഭത്തിനൊരുങ്ങുന്നു. ഒക്ടോബര് 15 മുതല് 25 വരെയാണ് കോണ്ഗ്രസ് രാജ്യ വ്യാപക പ്രക്ഷോഭം നടത്തുന്നത്.
കോൺഗ്രസ് അധ്യക്ഷ സോണിയ ഗാന്ധിയുടെ നേതൃത്വത്തിൽ ചേർന്ന യോഗത്തിന്റേതാണ് തീരുമാനം.
കേന്ദ്രത്തിന്റെ തെറ്റായ നയങ്ങളെ തുറന്നുകാണിച്ച് രാജ്യമൊട്ടാകെ വലിയ തോതിലുള്ള പ്രക്ഷോഭം സംഘടിപ്പിക്കുമെന്ന് എഐസിസി ജനറല് സെക്രട്ടറി കെ.സി. വേണുഗോപാല് പറഞ്ഞു. സെപ്റ്റംബര് 28 മുതല് 30 വരെയുളള മൂന്നുദിവസം സംസ്ഥാനതലത്തില് പ്രതിനിധി സമ്മേളനം സംഘടിപ്പിക്കുമെന്നും വേണുഗോപാൽ കൂട്ടിച്ചേർത്തു.